25 
noy
2023
00:23
449

Şagirdin duyğusal çıxışı hər kəsi göz yaşına boğdu...FOTO/VİDEO

25 noy, 2023
00:23
449

Şagirdin duyğusal çıxışı hər kəsi göz yaşına boğdu...FOTO/VİDEO

Vətən müharibəsində qanı bahasına əbədiyyət qazanan şəhidlərimizdən biri də, 3 qat dünya çempionu, şəhid İlkin Məmmədovdu. Əslən Füzulidən olan şəhidimiz iki dəfə yaralansa da, yenidən döyüşərək Şuşada tarix yazıb. Bu gün hər kəs onun qəhrəmanlığından danışır. Elə bir vaxtlar təhsil aldığı Abşeron rayonun Saray qəsəbə 2 nömrəli tam orta məktəbin pedeqoji kollektivi də şəhidin mövludunda bir araya gəldi.
 
Den.az xəbər verir ki, şəhid valideynlərinin iştirak etdiyi tədbirdə məktəbin 2 E və 4 K sinfinin şagirdləri İlkin Məmmədovun qəhrəmanlıq səlnaməsinə nəzər saldılar.  

Bildirildi ki, Sentiyabrın 27-dən vətən müharibəsi başlayan kimi, düşünmədən savaşa yollandı İlkin... Füzuli rayonundan başlayaraq Şuşaya qədər döyüş yolu keçdi. 2 dəfə yaralanmasına baxmayaraq yenidən döyüş yoldaşların yanına qayıdaraq şəhidlik zirvəsinə ucaldı Abşeron rayon sakini, Albaqut döyüş sənəti üzərə 3 qat Dünya çempionu İlkin Məmmədov.
Atası Abdulla Məmmədov deyir ki, o vətən üçün igid oğul yetişdirib. 1-ci Qarabağ müharibəsində onun edə bilmədiyini şəhid oğlu İlkin edib. Digər şəhid valideynləri də vətən uğrundan canından keçən şəhidlərimdən ətraflı bəhs etdilər. Abşeron rayon İcra hakimiyyəti yanında İctimai Şuranın sədri ,şəhid Elçin Həsənlinin anası Xatirə İsmayılova çıxış edərək bildirdi ki, minlərlə igid qəhrəmanlarımız 44 günlük müharibədə bir tarix yazıb. Azərbaycanın ərazi bütövlüyünün təmin edilməsi uğrunda döyüş əməliyyatları uğurla icra edilib. Bu oğulların etdikləri hər kəs üçün bir qürur mənbəyidir. 
Daha sonra Dəmir Yumruq Alfa A cəmiyyətinin sədri Ülviyyə Əsədova və digərləri çıxış edərək, şəhid İlkin Məmmədovun 44 günlük vətən müharibəsində göstərdiyi qəhrəmanlığından geniş söhbət açdılar.
 Şagirdlərin göstərdikləri kompazisiyalar, ifa etdikləri mahnılar hər kəsi göz yaşına boğdu.
Məlumat üçün bildirək ki, İlkin Məmmədov Prezident İlham Əliyevin sərəncamı ilə ölümündən sonra bir sıra medallarla təltif edilib.

Bizimlə əlaqə saxlayın

Çox oxunanlar