Xırdalan şəhər 10 nömrəli tam orta məktəbin biologiya fənn müəllimləri Qızbəst İbrahimova və Ramilə Orucova "Zərərli vərdişlər : Siqaret çəkmək" mövzusunda maarifləndirici məşğələ keçirib. 

Məktəblilər üçün zərərli vərdişlərlə mübarizəyə həsr olunmuş maarifləndirici görüş məktəbin 8-ci siniflərində oğlanlar ayrı, qızlar ayrı olmaqla keçirilib. Biologiya fənn müəllimlərinin “zərərli vərdişlərdən necə uzaqlaşmalı”, siqaretin insan orqanizminə ağılasığmaz təsiri”, "insan orqanizminə psixoloji və bioloji zərərləri” kimi mövzuları şərh etdikləri maarifləndirici söhbətləri şagirdlərin böyük marağına səbəb olub. 

Ümumilikdə interaktiv formada keçən görüş zamanı müəllimlər şagirdlərin çoxsaylı suallarını cavablandırıb.