Pentaqon naməlum anomal hadisələr, o cümlədən naməlum uçan obyektlərin (UNO) müşahidəsi ilə bağlı məxfilikdən çıxarılmış materialların yeni toplusunu dərc edib.
“Hamıdan əvvəl. Demək olar ki” adlı Telegram kanalının məlumatına görə, topluya son 73 il ərzində toplanmış sənədlər, video və audioyazılar daxil edilib.
Pentaqon ümumilikdə 71 faylı – 55 mətn sənədini, 15 videogörüntünü və bir audioyazını ictimaiyyətə açıqlayıb. Bu, naməlum hadisələrin araşdırılmasına dair tarixi materialların artıq altıncı toplusudur.
Dərc olunan materiallar arasında 1952-ci ildə naməlum uçan obyektlərin müşahidə edilməsi ilə bağlı məlumatlar da yer alıb. Topluya, həmçinin perspektivli aerokosmik texnologiyaların tədqiq edildiyi Advanced Aerospace Weapon System Applications Program (AAWSAP) proqramına aid sənədlər daxil edilib.
Açıqlanan hadisələrin əksəriyyəti hələ də qəti izahını tapmayıb. Dərc olunmuş materiallarda bu hadisələr izahı tapılmamış hallar kimi qeydə alınmaqda davam edir.
