Azərbaycan Prezidenti İlham Əliyev bildirib ki, Azərbaycan 2027-ci ildə MDB-də həmsədrliyə dair qərarın dəstəklənməsini ölkəyə göstərilən yüksək etimadın təzahürü kimi qiymətləndirir.
Dövlət başçısı bunu Türkmənbaşı şəhərində keçirilən MDB Dövlət Başçıları Şurasının iclasında çıxışı zamanı deyib.
“Hörmətli həmkarlar, Azərbaycanın 2027-ci ildə MDB-də həmsədrliyinə dair qərarın dəstəklənməsinə görə təşəkkürümü bildirmək istərdim. Biz bunu ölkəmizə göstərilən yüksək etimadın təzahürü kimi qiymətləndirir və ümumi vəzifələrin həyata keçirilməsində fəal iştirak etməyə hazırıq”, – Prezident İlham Əliyev bildirib.
Prezident İlham Əliyev qeyd edib ki, Azərbaycan 2028-ci ildə MDB-yə sədrliyi öz üzərinə götürməyə və həmin ilin payızında MDB Dövlət Başçıları Şurasının iclasını təşkil etməyə də hazırdır.
