Uşaq poliklinikasındakı sıxlıqla bağlı Sumqayıt Tibb Mərkəzindən AÇIQLAMA-VİDEO

Vətəndaşlar həkimin qəbuluna düşmək üçün arayış almaq istəyir, amma növbə o qədər çoxdur ki, heç tərpənmək də olmur. 
 
Den.az xəbər verir ki, görüntülər Sumqayıt Tibb Mərkəzinin nəzdində fəaliyyət göstərən 5 saylı Uşaq Xəstəxanasının poliklinika şöbəsindəndir.
 
 
Çəkiliş apararkən məlum oldu ki, bir arayışı almaq və həkim qəbuluna yazılmaq üçün insanlar təxminən 4-5 saat vaxt itirirlər. Bir tərəfdən yaranan uzun növbələr və saatlarla gözləmək, digər yandan isə isti hava insanların əsəblərini tarıma çəkir. Mövcud vəziyyət vətəndaşların narazılığına səbəb olur.
 
Mövcud problemlə əlaqədar Sumqayıt Tibb Mərkəzinin ictimaiyyətlə əlaqələr bölməsinin müdiri Ramil Zeynallı Den.az-a açıqlamasında bildirib ki, hal-hazırda sağlamlıq haqqında arayışlara müraciətlərin sayı artıb. Bu isə məktəb, məktəbəqədər müəssisələrə və bağçalara qəbulla əlaqədardır. Bu proses əvvəlki qayda da Sumqayıt Tibb Mərkəzinin nəzdində fəaliyyət göstərən Uşaq Xəstəxanasının Poliklinika şöbəsində həyata keçirilir. Qeyd olunan səbəbdən bu poliklinika şöbəsində də sıxlıq müşahidə olunur. Gün ərzində vətəndaşlar tərəfindən 1000-ə yaxın müraciət olur. 
 
Sumqayıt Tibb Mərkəzindən o da bildirilib ki, yaranan sıxlığın aradan qaldırılması istiqamətində müvafiq tədbirlər həyata keçirilir.