Sumqayıt Tibb Mərkəzinin 4 nömrəli şəhər xəstəxanasının poliklinika şöbəsində qeydiyyatçı kimi çalışan Azadə Həşimova ona qarşı haqsızlıqdan gileylənib.
Bu barədə “Den.az”a özü məlumat verib.
Xanım iddia edir ki, illər öncə ailə təhsili olmadığı üçün ona xəstəxanaların birində texniki işçi (sanitar) ştatı üzrə iş təklif olunub. Uzun müddət bu sahədə çalışan qadın sonradan iş yerini dəyişmək qərarına gəlib. Ancaq ona ali təhsili olmadığı üçün başqa işlə təmin edilməyəcəyi bildirilib. Azadə Həşimova da ailəsinin razılığı əsasında gələcək arzularını həyata keçimək məqsədilə ali təhsil alıb. Bundan sonra Sumqayıt Tibb Mərkəzinə müraciət edib. Lakin sözügedən mərkəzin direktoru Elnur Azadxanovun xanıma verdiyi cavab heç də ürəkaçan olmayıb. Təkrar müraciətində isə onu ümumiyyətlə qəbul etməyib.
Bir müddət sonra Azadə Həşimovanı təmizlikçi (sanitar) ştatında qalmaq şərtilə 4 nömrəli şəhər xəstəxanasının poliklinika şöbəsində qeydiyyatçı kimi işlə təmin ediblər. Bu isə xanımın ürəyincə olmayıb. Elnur Azadxanovun təkrar qəbuluna düşmək isə heç cür mümkün olmayıb.
Çarəsiz qalan xanım aidiyyəti orqanlara müraciət ünvanlayıb.
Təəccüblüsü odur ki, xanım hazırda təmizlikçi (sanitar) vəzifəsində olsa da, lakin qeydiyyatçı kimi fəaliyyət göstərir…
Məsələ ilə bağlı Sumqayıt Tibb Mərkəzindən bildirilib ki, “Həşimova Azadə Əzim qızı 05 aprel 2024-cü il tarixində Sumqayıt Tibb Mərkəzinin 4 nömrəli şəhər xəstəxanasının poliklinika şöbəsində sanitar qadın vəzifəsinə işə qəbul edilib. A.Həşimovanın xəstə xidmətləri şöbəsinə işə qəbul olunması üçün ali təhsil tələb olunduğundan hazırkı təhsili buna imkan vermir. Ali təhsilli olması ilə bağlı qeyd olunanlar isə həqiqəti əks etdirmir. Azadə Həşimova dəfələrlə Sumqayıt Tibb Mərkəzinin direktoru Elnur Azadxanov tərəfindən qəbul edilib və mövcud durum ona izah olunub. Odur ki, onun direktor tərəfindən qəbul edilmədiyi ilə bağlı iddiaları əsassızdır.
Qeyd edək ki, Azadə Həşimova 1993-cü ildə torpaqlarımızın ərazi bütövlüyü uğrunda şəhid olan Əzim Hacıyevin qızıdır.
Nizami Rəsulov
Den.az
Sumqayıtda şəhid qızını xəstəxanaya təmizlikçi kimi işə götürüb qeydiyyatçı olaraq işlədirlər? RƏSMİ AÇIQLAMA
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
