Sumqayıtda marketlərin birindən oğurluq edilib.
“Den.az” xəbər verir ki, hadisə şəhərin 17-ci mikrorayon, İ.Qayıbov küçəsi 68 ünvanındakı marketlərin birində qeydə alınıb.
Belə ki, vətəndaş Sona Abdülova bildirib ki, hər gün daxil olduğu marketdə əl çantasını saxlama şkafına qoyub. Bu dəfə isə rastlaşdığı mənzərə onu şoka salıb. Hər bir saxlama yerinin açarı olduğu olda, naməlum şəxs onun çantasını şkafdan rahatlıqla çıxararaq oğurlayıb. Sona Abdülova mövcud məsələ ilə bağlı həm market rəhbərliyinə, həm də hüquq mühafizə orqanlarına məlumat verib.
Market rəhbəri bildirib ki, giriş hissədə yerləşdirilən xüsusi şkafların birindən edilən oğurluq anı təhülkəsizlik kamerasına düşüb. Görüntülər Polisə təqdim edilib.
Sumqayıt şəhər Polis İdarəsinin 1-ci polis bölməsindən bildirilib ki, vətəndaşın müraciəti əsasında araşdırmalara başlanılıb . Hadisəni törədən şəxsin kimliyi müəyyənləşdirilir. Sona Abdülovaya məxsus əl çantası marketin yaxınlığından tapılıb.
Məlumat üçün bildirək ki, Sona Abdülova Sumqayıtda yerləşən Laçın məktəblərinin birində müəllim işləyir...
Den.az