Bakıda evdən 23 min manat oğurlandı

Bakıda evdən külli miqdarda oğurluq edilib.

Daxili İşlər Nazirliyindən Den.az-a verilən xəbərə görə, yanvarın 12-də Nəsimi rayonu ərazisində mənzillərin birindən 23000 manat pulun oğurlanması barədə polisə məlumat daxil olub.
 
Bakı şəhər Baş Polis İdarəsi və Nəsimi RPİ 19-cu Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən Bakı şəhər sakini Ramil Qəhrəmanov müəyyən olunaraq saxlanılıb.

Araşdırma aparılır.