ABŞ Prezidenti Donald Trampın İranın münaqişənin həlli və Hörmüz boğazının açılması ilə bağlı təklifini rədd etməsindən sonra neftin qiyməti 1%-dən çox artıb.
Bu barədə Reuters agentliyi məlumat yayıb.
Məlumata görə, “Brent” markalı neft 1,27% bahalaşaraq bir barel üçün 105,64 dollara çatıb.
ABŞ-nin WTI markalı neftinin qiyməti isə 0,76% artaraq 93,11 dollar olub.
İran öz təklifini BMT Baş Assambleyası çərçivəsində təqdim edib və Qətərdəki vasitəçilər vasitəsilə ABŞ-yə çatdırıb.
Tramp isə təklifi rədd etdiyini bildirib, lakin Tehranla yeni danışıqların keçiriləcəyini gözlədiyini qeyd edib.
