Ramazan ayı yalnız mənəvi deyil, həm də qidalanma vərdişlərinin kökündən dəyişdiyi bir dövrdür. Sahurda seçilən qidalar gün ərzində özünüzü necə hiss edəcəyinizi müəyyənləşdirir. Yanlış içki seçimi isə iftara qədər davam edən şiddətli baş ağrılarına səbəb ola bilər.
Mütəxəssislər xüsusilə kofeinli içkilər barədə ciddi xəbərdarlıq edirlər. Qəhvə və tünd çay kimi yüksək kofein tərkibli içkilərin sahurda həddindən artıq qəbulu bədəndə maye itkisinə səbəb olur. Kofein orqanizmdən su atılmasını sürətləndirir və uzunmüddətli susuzluq baş ağrısını tətikləyir.
Aclıq və susuzluq birləşdikdə ağrı daha da güclənir. Bundan əlavə, kofein stimullaşdırıcı maddə olduğu üçün yuxu rejimini poza bilər. Pozulmuş yuxu isə gün ərzində halsızlıq və baş ağrısını daha da artırır.
Beslənmə üzrə mütəxəssislər sahurda alternativlərə üstünlük verilməsini tövsiyə edirlər. Sadə su, ayran, şəkərsiz bitki çayları və ya təzə sıxılmış meyvə şirələri bədənin maye balansını qorumağa kömək edir. Bu dəyişiklik iftara qədər daha rahat və enerjili qalmağa imkan verir.
Qəhvə və çaydan tam imtina edə bilməyənlər üçün isə kofeinsiz seçimlər daha uyğun hesab olunur. Eyni zamanda, sahurda çox duzlu və ağır yeməklərdən uzaq durmaq vacibdir. Duzlu qidalar susuzluğu artıraraq baş ağrılarını gücləndirə bilər.
