Hər il dünyanın müxtəlif yerlərindən hökumət nümayəndələri COP-da toplaşaraq iqlim dəyişmələrinin qarşısının alınması və fəsadlarının aradan qaldırılması istiqamətində birgə səylər göstərmək üçün çağırışlar edirlər. Bu dəfə isə dünyada gücə çevrilən və öz nüfuzu ilə diqqət mərkəzində olan Azərbaycan Cop-29-a ev sahibliyi edəcək. Ölkəmizdə noyabr ayında keçirilməsi planlaşdırılan bu beynəlxalq tədbirlə bağlı indidən ciddi hazırlıqlar görülür. Hətta Ölkə başçısı İlham Əliyevin sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilib. Beləliklə ölkəmiz beynəlxalq ictimaiyyətin etibarlı və məsuliyyətli üzvü kimi iqlim dəyişmələrinin fəsadlarına qarşı mübarizəyə öz töhfəsini verir. Bu məqsədlə Azərbaycanda bir sıra önəmli tədbirlər də həyata keçirilir.
Belə mühüm tədbirlərdən biri də Sumqayıt şəhərində keçirililb. Sumqayıt şəhər İcra Hakimiyyətinin və Dövlət Gömrük Komitəsinin birgə təşəbbüsü ilə keçirilən "Yaşıl Dünya naminə həmrəylik çərçivəsində Yaşıl Gömrük Təşəbbüsü" adlı tədbirdə Sumqayıt şəhər İcra Hakimiyyətinin başçısı Zakir Fərəcov, Dövlət Gömrük Komitəsinin sədri Şahin Bağırov, dövlət və hökumət nümayəndələri, yerli idarə və müəssisələrinin rəhbərləri, eləcə də ictimaiyyət nümayəndələri iştirak ediblər.
Tədbirdə "Yaşıl Gömrük", "Ətraf mühitin qorunması" və sair mövzularda fikirlər səsləndirilib. Bakıda keçiriləcək COP-29-un əhəmiyyətindən söz açılıb.
Daha sonra "Yaşıl Gömrük" konsepsiyasına uyğun olaraq hazırlanan, eləcə də Sumqayıtın yaşıllaşdırılması istiqamətində həyata keçirilən tədbirləri özündə əks etdirən video çarx nümayiş etdirilib.
Ardınca tədbirdə çıxış edən Sumqayıt şəhər İcra Hakimiyyətinin başçısı Zakir Fərəcov Azərbaycanın 11-24 noyabr 2024-cü il tarixlərində COP29-a ev sahibliyi edəcəyini xatırladıb. Bakıda keçiriləcək tədbirdə 190-dan çox ölkədən 80-100 min nümayəndənin iştirak edəcəyini vurğulayan Zakir Fərəcov Azərbaycanın COP29-a ev sahibliyi etməsini, ölkənin yaşıl enerji və iqlim dəyişikliyi ilə mübarizə sahəsində böyük əhəmiyyət daşıyan addım kimi qiymətləndirib. İcra başçısı sənaye şəhəri olan və çirklilik səviyyəsinə görə ön sıralarda qərarlaşan Sumqayıtın təmiz və yaşıl şəhərə necə çevrilməsindən danışıb. Bu istiqamətdə Prezident İlham Əliyevin tövsiyə və tapşırıqlarına uyğun olaraq çox mühüm tədbirlərin həyata keçirildiyini diqqətə çatdırıb.
Daha sonra tədbirdə çıxış edən Dövtəl Gömrük Komitəsinin sədri Şahin Bağırov Bakıda keçiriləcək COP-29 konfransının Azərbaycanın beynəlxalq səviyyədə tanınmasına və yaşıl enerji iqtisadiyyatına keçidini sürətləndirməsinə kömək edəcəyini bildirib. Sumqayıtda belə yüksək səviyyədə tədbir təşkil edildiyi üçün şəhər rəhbərliyinə öz minnətdarlığını ifadə edib.
Tədbirin rəsmi hissəsi yekunlaşdıqdan sonra Zakir Fərəcov və Şahin Bağırov digər qonaqlarla birgə xatirə şəkili çəkdiriblər, Sumqayıt Bulvarı ərazisində ağac əkiblər və burada yaradılan şəraitlə tanış olublar.
Sumqayıtda "Yaşıl Gömrük Təşəbbüsü" adlı tədbir keçirilib - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
