Hamiləlik şübhəsi ilə həkimə getdi, şok gerçəyi öyrəndi

33 yaşlı Emily Campbell yaşadığı şişkinlik problemlərinin ciddi xəstəliyin əlaməti ola biləcəyini heç ağlına gətirməmişdi. 2022-ci ilin dekabrında qarın bölgəsinin həddindən artıq şişdiyini və demək olar ki, yeddi aylıq hamilə kimi görünməyə başladığını hiss edəndə xəstəxanaya getdi və həyatını dəyişdirən gerçəklə üzləşdi.

Den.az dailymail-ə istinadla xəbər verir ki, həkimlər Kampbelin qlüten intoleransı səbəbindən qəbizlik yaşadığını və çox stressli olduğunu bildiiriblər. Lakin zaman keçdikcə şişkinlik artıb.  Aparılan müayinələr nəticəsində pelvik bölgəsində böyük kütlənin olduğu aşkarlanıb. Məlum olub ki, qadın yumurtalıq xərçəngidir.

Kampbell kütləni götürtmək üçün əməliyyat etdirdi, lakin cərrahlar xərçəngin qalın bağırsaq və sidik kisəsi daxil olmaqla bir çox orqana yayıldığını görüblər. Qadının əməliyyatla yumurtalıqları, uşaqlığı və appendiksi götürülüb. Bu əməliyyatın nəticəsi olaraq Campbell artıq uşaq sahibi ola bilməyəcəyini də öyrənib.

Aparılan testlər Kampbelin xəstəliyin nadir növü ilə mübarizə apardığını göstərdi. Bu növ, ümumiyyətlə 20-40 yaş arasındakı qadınlarda rast gəlsə də, kemoterapiyaya yaxşı cavab verməyən xüsusiyyətə malik idi. Buna görə Campbell müalicə üsulo olaraq əməliyyatı seçdi.

Yumurtalıq xərçənginin əlamətləri arasında şişkinlik, qarın ağrısı, iştahın azalması, tez-tez sidiyə çıxma ehtiyacı, həzm pozğunluğu, qəbizlik və ya ishal, bel ağrısı, yorğunluq və izah olunmayan kilo itkisi kimi simptomlar yer alır.

Erkən diaqnoz həyat qurtara bilər, buna görə bu əlamətlərə sahib olan qadınların vaxt itirmədən həkimə müraciət etmələri tövsiyə olunur.