ABŞ prezidenti Donald Tramp Avropa Komissiyasının rəhbəri Ursula fon der Lyayenlə İran və ABŞ–Avropa İttifaqı ticarət münasibətlərini müzakirə etdiyini açıqlayıb.
Trampın sözlərinə görə, tərəflər İranın nüvə silahına sahib olmamalı olduğu məsələsində ortaq mövqedən çıxış ediblər.
Öz xalqını öldürən rejim milyonlarla insanı məhv edə biləcək bombaya sahib ola bilməz. İranın nüvə silahı olmamalıdır və bu məsələdə tam həmfikirik, — deyə Tramp bildirib.
ABŞ lideri həmçinin qeyd edib ki, Avropa İttifaqından “tarixi ticarət sazişi”nin şərtlərinin yerinə yetirilməsini gözləyir.
Onun sözlərinə görə, Brüssel Avropa tariflərini sıfıra endirəcəyinə söz verib.
Donald Tramp bildirib ki, razılaşmaların icrası üçün Avropa İttifaqına ABŞ-nin 250 illiyi tarixinədək vaxt verməyə razılaşıb.
O xəbərdarlıq edib ki, əks halda Vaşinqton Avropa mallarına tətbiq olunan rüsumları kəskin şəkildə artıracaq.
