Böyük Britaniyanın Baş naziri Kir Starmerin yaxın vaxtlarda istefa verə biləcəyi ilə bağlı xəbərlər həqiqəti əks etdirmir.
Bunu ölkənin biznes və ticarət naziri Piter Kayl Sky News-a açıqlamasında bildirib.
Nazir qeyd edib ki, bu məsələ ətrafında çoxlu spekulyasiyalar görür, lakin onların doğru olduğuna inanmaq üçün əsas yoxdur.
“Mənim onların həqiqiliyinə inanmaq üçün heç bir əsasım yoxdur”, - deyə Kayl bildirib.
O, həmçinin Starmerin real hakimiyyətə malik olmadığı və baş nazir kimi vəzifələrini effektiv yerinə yetirə bilmədiyi barədə fikirlərlə razılaşmadığını deyib.
Piter Kaylın sözlərinə görə, baş nazir hazırda işinə fokuslanıb və hökumətin fəaliyyətini davam etdirir.
