Ulu öndər Heydər Əliyevin 101 illiyinə həsr olunan oğlanlar və qızlar arasında regiondaxili çempionat keçirilib.
"Den.az" xəbər verir ki, yarışı Azərbaycan Voleybol Federasiyasının Prezidenti Şahin Bağırov, Sumqayıt şəhər icra Hakimiyyətinin başçısı Zakir Fərəcov yaxından izləyib.
Sumqayıt regional voleybol klubunun tərkibinə daxil olan komandaların nümayəndələrinin iştirak etdiyi çempionatda öncə Azərbaycan Respublikasının dövlət himni səsləndirilib. Şəhidlərimizin əziz xatirəsi bir dəqiqəlik sükutla yad edilib.
Çıxış edən Sumqayıt şəhər icra hakimiyyətinin başçısı Zakir Fərəcov qeyd edib ki,Prezident İlham Əliyevin idmançılara xüsusi qayğı ilə yanaşması, müasir idman qurğularının, Olimpiya İdman komplekslərinin tikilməsi idmançılarımızın Olimpiya Oyunlarında, qitə və dünya çempionatlarında, digər beynəlxalq yarışlarda qələbələr qazanmasına zəmin yaradır. Ölkəmizin mötəbər idman yarışlarına ev sahibliyi etməsinin arxasında da məhz Azərbaycanın inkişafı, müasir idman infrastrukturu və təhlükəsiz ölkə olması amili dayanır. Bu gün Sumqayıtda da idmana xüsusi diqqət göstərilir. Yenidən qurulan Mehdi Hüseynzadə adına Sumqayıt şəhər stadionu buna bariz nümunədir.Çıxışdan sonra Sumqayıt regional voleybol klubu adından Sumqayıt şəhər İcra hakimiyyətinin başçısı Zakir Fərəcova hədiyyə təqdim olunub.Çıxış edən Dövlət Gömrük Komitəsi sədri ,Azərbaycan Voleybol Federasiyasının Prezidenti ,Şahin Bağırov Ümummilli Liderin idmana, eləcə də voleybola daim qayğı göstərdiyini söyləyib, 2002-ci ildə "Azərreyl" klubunun "Top komandalar kuboku"nu qazandıqdan sonra Heydər Əliyevin voleybolçularla görüşünün bu idman növünə dövlət qayğısının göstəricisi olduğunu bildirib. Bildirilib ki,bu ənənələr prezident İlham Əliyev tərəfindən uğurla davam etdirilir. Ölkə voleybolunun inkişafı istiqamətində görüləcək işlərdən bəhs edən Şahin Bağırov iştirakçı komandalara uğurlar arzulayıb.Xatirə şəkli çəkdirildikdən sonra oyuna start verilib.
Qeyd edək ki,Sumqayıt Voleybol Klubu 1 sentyabr 2023-cü il tarixində yaradılıb. Klub Sumqayıt daxil olmaqla Quba, Qusar, Xaçmaz, Xızı, Siyəzən və Şabran rayonlarını əhatə edir. Klub fəaliyyətə başlağı zaman regionda 192 nəfər voleybol məşqlərinə qatılıb. Hal-hazırda, klubun 500 nəfərə yaxın aktiv voleybolçusu var. Klubun məşqləri peşəkar məşqçilər tərəfindən həyata keçirilir.Sumqayıt regional Voleybol Klubu çox qısa müddət öncə yaranmasına baxmayaraq, iştirak etdiyi bütün yoldaşlıq turnirlərində qalib gəlib, həmçinin yeniyetmə voleybolçular arasında ölkə birinciliyində həm oğlanlarda, həm də qızlarda 3-cü yeri tutaraq bürünc medala layiq görülüb.
Sumqayıtda Zakir Fərəcov və Şahin Bağırov Voleybol yarışını izləyib -VİDEO

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.