ABŞ sakini Kayla Makkenzi iki il davam edən axtarışlardan sonra saxlanılıb.
Bu barədə People nəşri məlumat yayıb.
Bildirilib ki, 20 aprel tarixində polisə 2024-cü ildən qaçan qadının Corciya ştatının Moultri şəhərində bir evdə gizləndiyi barədə məlumat daxil olub. Hadisə yerinə gələn hüquq-mühafizə orqanları onu döşəmədəki ventilyasiya dəliyində gizlənmiş vəziyyətdə aşkar ediblər.
Makkenzi cinayət əməli törətməkdə ittiham olunur. Şerifin sözlərinə görə, indi ona məhkəmə orderi ilə bağlı əlavə ittihamlar da irəli sürüləcək.
