Abşeron rayonun Qobu 2 yaşayış massivində əhali sosial qayğılar məngənəsində boğulur desək yanılmarıq.
Bu barədə “Den.az”-a sakinlər özləri məlumat veriblər.
Sakinlərin sözlərinə görə, ərazidə yaşayan əhaliyə hazırda istismar müddətini başa vurmuş trasmovator xidmət göstərir. O da bir az yel əsən kimi əhaliyə verilən elektrik enerjisi kəsilir. Ərazidə ötən gün qaz borusunun qırılması isə başqa bir dərd. Sakinlər evlərə mavi yanacağının verilməsini öz küstar üsulları ilə təmin ediblər. Xüsusi yapaşqanla boru bərkidilsədə, lakin ərazidə qaz sızıntı hələdə var. Buda sakinləri ciddi narahat edir.
Qobu 2 yaşayış massivindəki mövcud problemdən Azərişıq ASC-nin əməkdaşları xəbərdardır. Adı çəkilən qurumdan bildirildi ki, Azərişıq həmin ərazidə 3 min yox, cəmi 210 abonentə xidmət göstərir. Həmin trasformator da həmin əhaliyə kifayət edib. Ancaq ərazidə əhali sayı durmadan artır və əhali sənədi olmadan sayğacsız işıqdan istifadə etməyə çalışır. Nəticədə trasmovatorda yüklənmə baş verir və açılmalar olur. Mütəmadi olaraq əməkdaşlar həmin ərazidə qanunsiz işıqqoşma halları ilə mübarizə aparır.
Azəriqaz İstehsalat Birliyindən DenazTv-yə bildirildi ki, ərazidə yaşayan sakinlərdən qaynar xəttə şikayət daxil olub. Problemin aradan qaldırılması istiqamətində qısa vaxt ərzində tədbirlər görüləcək.
Den.az
