"Azərbaycanla Ermənistan arasında aparılan danışıqlar əsasında 32 erməninin geri verilməsi və 2 əzərbaycanlı hərbiçinin azad edilməsi müsbət prosesdi. Azərbaycanla Ermənistan arasında bu cür razılaşmanın yerinə yetirilməsi növbəti mərhələdə sülh müqaviləsinin bağlanması istiqamətində də ikitərəfli danışıqlar üçün zəmin yaradır".
Bu fikirləri "Den.az"a açıqlamasında politoloq Məhəmməd Əsədullazadə səsləndirib. O bildirib ki, Vaşinqton və Avropa İttifaqının siyasi təzyiqlərinə baxmayaraq Azərbaycan güzəştə getmədi, prinsipiallıq göstərdi və mövqeyini daha da möhkəmləndirdi: "Azərbaycanın bu mövqeyi ABŞ-ın Ermənistana təzyiqinə gətirib çıxardı. Nəticədə İrəvan Azərbaycanla ikitərəfli danışıqlara cəlb edildi. Vaşinqton və Brüssel Azərbaycanın geri addım atacağını hesablayırdı. Nəticədə isə baş verənlər vəziyyəti daha da böhrana yuvarladı. Bu isə ABŞ-ın Cənubi Qafqazda geosiyasi mövqelərinin zəiflədilməsinə gətirib çıxara bilərdi. Artıq Vaşinqtonun Ermənistanı ikitərəfli danışıqlar üçün təlimatlandırması istisna deyil. Ermənistan və Azərbaycan arasında son razılaşmanın həyata keçirilməsində ABŞ diplomatı Obraynın ölkəmizə səfəri zamanı apardığı danışıqların rolu olub. Bu danışıqlarda ABŞ-ın Azərbaycana qarşı təzyiq siyasətindən geri çəkiləcəyi və Ermənistanı Azərbaycanla ikitərəfli danışıqlara başlamaq üçün sövq edəcəyi razılaşdırılıb. Azərbaycan da xoşməramlı və humanitar prinsipləri rəhbər tutaraq sülh müqaviləsi istiqamətində real irəliləyişlər üçün bu razılaşmaya gedib. Ermənistan Azərbaycanın tələbi əsasında ikitərəfli danışıqlara məcbur oldu. Bu, Azərbaycanın Ermənistan üzərində növbəti diplomatik üstünlüyüdür.
Günəş Fərəh,
Den.az
"Azərbaycanın bu mövqeyi ABŞ-ın Ermənistana təzyiqinə gətirib çıxardı" - ŞOK AÇIQLAMA
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
