Abşeronda “Beynəlxalq Əlillər Günü” belə qeyd edildi-VİDEO

Abşeron Rayon İcra Hakimiyyəti tərəfindən Beynəlxalq Əlillər Günü münasibətilə tədbir təşkil edilib.
 
Tədbirdə rayon icra hakimiyyətinin başçısının müavini Gülnar Rəhimova, Millət vəkili Vüqar İsgəndərov, YAP Abşeron rayon təşkilatının sədri Abbas Əliyev, şəhid anası Abşeron rayon İcra Hakimiyyəti yanında İctimai Şuranın sədri Xatirə İsmayılova, fiziki məhdudiyyətli şəxslər, şəhid ailə üzvləri, qazilər və KİV-nin nümayəndələri iştirak edib.
 
Dövlət tərəfindən əlillərin sosial müdafiəsinin gücləndirilməsi istiqamətində həyata keçirilən məqsədyönlü tədbirlər barədə danışan rayon icra hakimiyyəti başçısının müavini Gülnar Rəhimova qeyd edib ki, Ümummilli Liderimiz Heydər Əliyev fiziki məhdudiyyətli insanların diqqət və qayğı ilə əhatə olunmasını dövlətimizin sosial siyasətinin əsas prioritetlərindən biri kimi müəyyən edərək, bu istiqamətdə mühüm tədbirlərin, sosial proqramların əsasını qoyub.  Ölkəmizdə dinamik iqtisadi inkişafla bərabər güclü sosial siyasətin aparılmasını təmin edən Azərbaycan Respublikasının Prezidenti cənab İlham Əliyevin tapşırıqlarına əsasən əlilliyi olan şəxslərin sosial təminatı, reabilitasiyası və cəmiyyətə inteqrasiyası sahəsində ardıcıl və məqsədyönlü addımlar atılır.
 
Azərbaycan Respublikasının Prezidentinin sərəncamı ilə qəbul olunan “Əlilliyi olan şəxslərin hüquqları haqqında” Qanunda əlilliyi olan şəxslər barəsində dövlət siyasətinin əsas prinsipləri, əlilliyi olan şəxslərlə bağlı dövlət təminatları, bu katiqoriyadan olan şəxslərin reabilitasiyası və abilitasiyası, Fərdi Reabilitasiya Proqramı, infrastruktur obyektlərinin və iş yerlərinin əlilliyi olan şəxslərin istifadəsi üçün uyğunlaşdırılması, onların təhsili və peşə hazırlığı, əmək hüququnun və məşğulluğunun təmin edilməsi və digər məsələlər əhatə olunub. Qeyd olunub ki, Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva və Fondun vitse-prezidenti Leyla Əliyeva tərəfindən bu sahəyə xüsusi diqqət və qayğı göstərilir, mühüm tədbirlər, proqram və layihələr həyata keçirilir.
 
Daha sonra Millət vəkili Vüqar İsgəndərov, şəhid anası Abşeron rayon İcra Hakimiyyəti yanında İctimai Şuranın sədri Xatirə İsmayılova YAP Abşeron rayon təşkilatının sədri Abbas Əliyev və digərləri çıxış edərək bildiriblər ki, Ümummilli lider Heydər Əliyevin hakimiyyətə qayıdışından sonra Azərbaycanda Beynəlxalq Əlillər Günü rəsmi şəkildə qeyd olunur. Bu gün cəmiyyətimizin bütün təbəqələrinə, o cümlədən əlil vətəndaşlara dövlətimiz tərəfindən diqqət və qayğı göstərilir, onları narahat edən problemlər həllini tapır. Prezident İlham Əliyevin müvafiq sərəncamları ilə mütəmadi olaraq bu kateqoriyalardan olan insanların müavinətləri artırılır, onların sosial problemləri həll edilir, mənzil şəraiti daha da yaxşılaşdırılır. Ölkəmizin hər yerində olduğu kimi, Abşeron rayonunda da əlillər diqqət və qayğı ilə əhatə olunub.
 
Sonda tədbir Fiziki məhdudiyyətli şəxslərin təqdim etdiyi musiqi nömrələri ilə davam edib.