Əraziyə 15 manşın donuz peyini boşaldılıb. 200-dən çox ailənin yaşadığı ünvanda üfunət iyi baş çartladır.
“Den.az” xəbər verir ki, görüntülər Abşeron rayonun Məmmədli kəndindəndir.
Ərazidə yaşayan sakinlər iddia edirlər ki, onların yaşadığı ünvanın yaxınlığında gölü qurutmaq üçün məqsədli işlər görülür. Lakin bu yaxınlarda gecə ilə əraziyə xüsusi avtomobillər vaistəsi ilə donuz peyini gətirilib boşaldılıb. Onların sözlərinə görə, külək əsdi evlərdə yaşamaq mümkün deyil. Hətta bəzi sakinlər mənzillərini tez bir zamanda tərk ediblər. Ərazi xəstəlik mənbəyinə çevrilib.
Mövcud məsələ ilə bağlı Məmmədli kənd bələdiyyəsindən bildirilib ki, həmin ərazi yeni yaşayış massividi. Orada mövcud göl ətrafında yaranan antisanitareya və sakinlərin haqlı şikayətlərindən xəbərləri var. Ərazinin kim və ya kimlər tərəfindən donuz peyini ilə çirkləndirməsini öyrənmək, eləcədə günahkarların cəzəlandırılması məqsədi ilə hüquq mühafizə orqanlarına müraciət olunacaq.
