ABŞ prezidenti Donald Tramp Şimali Atlantika alyansı üzrə müttəfiqləri Hörmüz boğazında gəmiçiliyin təhlükəsizliyi məsələsində fəaliyyətsizliyə görə tənqid edib. Onun sözlərinə görə, Vaşinqton bu marşrutdan demək olar istifadə etməməsinə baxmayaraq, təkbaşına hərəkət etməli olub.
Biz boğazı açacağıq, baxmayaraq ki, özümüz ondan istifadə etmirik, çünki dünyada bir çox digər ölkələr ondan istifadə edir və onlar ya qorxublar, ya zəifdirlər, ya da xəsislik edirlər. Bilmirəm məsələ nədədir, — deyə Tramp bildirib.
O, həmçinin vurğulayıb ki, NATO tərəfindən heç bir yardım göstərilməyib. Hazırda ABŞ İran tərəfi ilə danışıqlar aparır və müzakirələrin əsas mövzularından biri Hörmüz boğazıdır.
