Sumqayıt şəhər 34 nömrəli tam orta məktəbdə siniflərdən birinə qəhrəman şəhidlərimizdən birinin adı verilib.
Den.az xəbər verir ki, bu münasibətlə keçirilən tədbirdə şəhidin ailə üzvləri, yaxınları, məktəbin pedaqoji kollektivi iştirak edib.
Qeyd edək ki, adıçəkilən məktəbin bütün sinifləri müxtəlif vaxtlarda vətən uğrunda canından keçən şəhidlərimizin adını daşıyır.
Bu dəfə isə 34 nömrəli məktəbin 2 c sinfinə şəhid Həsənov Elvin Çingiz oğlunun adı verilib.
Tədbirdə çıxış edən sinif müəllimi Şəfəq İbrahimova şəhidimizin keçdiyi həyat yolundan söz açıqb. Şəhidlərin bizim baş tacımız olduğunu deyib. "Biz onların ailə üzvləri, bütün yaxınları qarşısında baş əyirik. Şəhidlərimiz daim xalqımızın qəlbində yaşayacaq, hər zaman ehtiramla yad ediləcək”, - deyə Şəfəq İbrahimova vurğulayıb.
Sinif müəllimi onu da əlavə edib ki, Elvin Həsənovun timsalında bütün şəhidlər vətəni məhz gələcək nəslin rahat böyüməsi üçün qoruyub. Ona görə də, gələcəyimiz olan gənclər öz bilik və bacarıqları, davranışları ilə Azərbaycanı daha parlaq gələcəyə aparmaq üçün töhfə verməlidirlər.
Tədbirdə digər çıxış edənlər də şəhidlərimizin qəhrəmanlıqlarından söz açıblar. Vətənimizin azadlığı və bütövlüyü uğrunda canını fəda edən şəhidlərimizin əziz xatirəsinin daim uca tutulacağını bildiriblər. Sonda həmin sinfin şagirdlərinə müxtəlif hədiyyələr təqdim olunub.
Qeyd edək ki, Həsənov Elvin Çingiz oğlu 1994-cı il aprelin 24-də Sumqayıt şəhərində anadan olub. 2013-cü ildə Sumqayıt şəhərində yerləşən 34 nömrəli tam orta məktəbi bitirən Elvin Həsənov hərbi xidmətə gedib. Elvin Həsənov 2014-cı il martın 17-də Azərbaycan-Ermənistan təmas xəttində baş verən atışma zamanı qəhrəmancasına şəhidlik zirvəsinə ucalıb. Elvin Həsənov doğulduğu Sumqayıt şəhərinin Şəhidlər Xiyabanında son mənzilə yola salınıb.
Sumqayıtda bu məktəbin bir sinifinə şəhidin adı verildi - VİDEO

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.