"Uğrunda ölən varsa, vətəndir!"' deyib böyüklərimiz. Bəli, bu gün Azərbaycanın suverenliyi uğrunda canını fəda edən minlərlə qəhrəman oğullarımız vətən fədaisi kimi adını tarixə yazdırıb. Belə oğullarımızdan biri də, Vətən Müharibəsi Qəhrəmanı, şəhid polkovnik Şükürov Anar Mehman oğludur.
"Den.az" xəbər verir ki, şəhidimizin oxuduğu Sumqayıt şəhər 25 nömrəli tam orta məktəbdə büstünün və muzeyinin açılışı baş tutub. Tədbirdə Sumqayıt şəhər İcra Hakimiyyətinin başçısı Zakir Fərəcov, idarə, müəssisə və təşkilatların rəhbərləri, qazilər və şəhidin ailə üzvləri, eləcə də məktəbin pedaqoji kollektiv iştirak edib.
Öncə hərbi formalı şagirdlərin vətənpərvərlik ruhunda hazırladıqları çıxışlar dinlənilib.
Tədbirdə çıxış edən Sumqayıt şəhər İcra Hakimiyyətinin başçısı Zakir Fərəcov şəhid Anar Şükürovun keçdiyi döyüş yolundan və qəhrəmanlıqlarından söz açıb. İcra başçısı dövlətin şəhid ailələrinə və qazilərə göstərdiyi xüsusi diqqət və qayğıdan danışıb. Anar Şükürovun və digər şəhidlərimizin adına küçələrin, təhsil müəssisələrinin verilməsini bu diqqətin bariz nümunəsi adlandırıb. Zakir Fərəcov şəhid Anar Şukurova Allahdan rəhmət, ailəsinə isə səbr diləyib.
Daha sonra şəhər ağsaqqallar şürasının sədri Təbrik Quliyev, şəhid polkovnik Anar Şükürovun müəllimi olmuş Təranə Hüseynova, Vətən Müharibəsi qazisi Ehtiram Məmmədov çıxış edərək şəhidlərimizin sayəsində ərazi bütövlüyümüzün və suverenliyimizin bərpa olunduğunu diqqətə çatdırıblar. Şəhid ailələri və qazilərə göstərilən xüsusi diqqət və qayğıya görə, Ali Baş Komandan, Prezident İlham Əliyevə təşəkkür ediblər.
Şəhidin anası Emma Şukurova və oğlu Ümid Şükürov çıxış edərək göstərilən qayğıya görə minnətdarlıqlarını ifadə ediblər.
Çıxışlardan sonra şəhid polkovnik Anar Şükürovun məktəbin foyesində ucaldılan büstünün açılışı olub. Ardınca Sumqayıt şəhər İcra Hakimiyyətinin başçısı Zakir Fərəcov və digər tədbir iştirakçıları şəhidin şəxsi əşyalarının və fotolarının cəmləşdiyi muzeylə tanış olublar.
Qeyd edək ki, Vətən Müharibəsi Qəhrəmanı, şəhid polkovnik Anar Şükürov 1977- ci ildə Sumqayıt şəhərində anadan olub. O, Vətən müharibəsi zamanı Suqovuşanın azadlığı uğrunda gedən döyüşlərdə savaşıb. Anar Şükürov oktyabrın 16-da Ağdərə istiqamətində şəhidlik zirvəsinə yüksəlib. II Şəhidlər Xiyabanında dəfn olunub. Sonda xatirə fotosu çəkilib.
Sumqayıtın bu məktəbində şəhid büstünün və muzeyinin açılışı olub-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
