Xırdalanda bu məktəbin məktəbəhazırlıq qrupuna 112 uşaq qəbul edilib-VİDEO

Deyirlər ki, uşaq gülürsə, demək, bəşəriyyət gülür. Uşaqların gülüşü, rahatlığı cəmiyyətin xoşbəxtliyidir. Bu balacaların xoşbəxtliyi kimi. Hələ onların 5 yaşı var. 
 
Abşeron-Xızı Regional Təhsil İdarəsinin tabeliyində fəaliyyət göstərən Xırdalan şəhər 4 nömrəli tam orta məktəbin məktəbə hazırlıq qrupuna balaca körpə fidanlar qəbul olunub. Həm valideynlər həm də onları məktəb həyatına hazırlayan müəllimləri olduqca sevincli idilər. 
 
Direktor Zəminə Nurayeva Denaz.tv-ə müsahibəsində bildirdi ki, hər bir şəxsin həyatının unudulmaz anlarından biri, məhz məktəbə ilk qədəm qoyduğu vaxtlardır. Məktəb həyətinə girişi, bir məktəbli kimi sinfə daxil olması və ən əsası müəllimi ilə tanışlığı onun uşaqlıq çağlarından şəxsiyyət kimi formalaşmasının ilkin mərhələsidir. Vaxt gələcək, böyüyüb boya-başa çatacaq, anlayacaq və qürur duyacaqlar ki, onlar məhz bu məktəbinin yetirməsidir. Hazırda təhsil müəsisəsində gələcəyimiz olan bu körpələr üçün hər cür şərait artıq müövcuddur.
 
Bizdə bu körpə fidanlara gələcəklə vətənimiz üçün layiqli vətəndaş olmalarını arzu edirik.