Xırdalanda fəaliyyət göstərən 23 saylı uşaq bağçasından möhtəşəm görüntülər - VİDEO

Uşaqların mənəvi inkişafında və şəxsiyyət kimi formalaşmasında təhsilin rolu əvəzolunmazdır. Təhsilin ilk pilləsi sayılan uşaq bağçalarının fəaliyyəti isə bu baxımdan xüsusilə fərqlənir. Məktəbəqədər təhsil ümumi təhsilin əsas həlqələrindən biridir. Burada oyunlar və bir sıra kurrikulumlar vasitəsilə uşaqların ilkin biliyi və intellektual təfəkkürü formalaşır. Bağçalar azyaşlıların həm mənəvi, həm psixoloji, həm də fiziki inkişafına əhəmiyyətli dərəcədə müsbət təsir göstərir. Uşaqların özgüvənli və sərbəst olmalarının əsasını qoyur. Uşaq bağçası tərbiyə üçün əlverişli bir mühit yaradır. Təcrübəli tərbiyəçilər uşaqların səmərəli inkişafını tənzimləyir və onların sosial və əhli bacarıqlarını inkişaf etdirir. Uşaqlar bağçada əyləncəli təhsil təcrübəsi əldə edir. Oyunlar, incəsənət, musiqi və digər təhsil fəaliyyətləri onların məntiqi inkişafını daha da gücləndirir. Xırdalan şəhər 23 saylı körpələr evi, uşaq baxçası sözün əsl mənasında gələcəyin ziyalılarını, elm adamlarını və ənəsası isə şəxsiyyətini formalaşdıran bir müəssisə kimi ön sıralarda yer alıb. Bunu, bağçaya ilk ayaq basan andan görmək mümkündür. Olduqca savadlı və işini bilən pedaqoji kollektiv, nizam-intizamlı tərbiyəçilər, ümumilikdə bütün kollektiv bağçada təhsil alan balaca fidanların əsl şəxsiyyətə çevrilməsi, cəmiyyətə layiqli vətəndaşlar kimi formalaşması üçün yorulmadan çalışır. 

Qeyd edək ki, uşaq bağçalarının törəməsi olan mərkəzlərin yaradılması ən çox 19-cu əsrin ortalarına, yəni İngiltərədəki sənaye İnqilabı zamanlarına təsadüf edir. Bu mərkəzlər vaxtilə işgüzar valideynlərin övladlarının asudə vaxtlarını səmərəli təmin etmək üçün yaradılmışdı. Lakin bu gün uşaq bağçaları daha çox tərbiyə və təhsil mərkəzlərinə çevrilərək əsl şəxsiyyət yetişdirilməsi istiqamətində fəaliyyət göstərirlər. 23 saylı uşaq baxçasında yaradılan şərait, maddi-texniki baza və pedaqoji kollektiv bu işin öhdəsindən uğurla gəlməyi bacarır. Qeyd edək ki, uşaq bağçası 1979-cu ildən fəaliyyət göstərir. 8 qruplu bağçada 155 uşaq təhsil alır. Bağçada 16 tərbiyəçi azyaşlıların təlim-tərbiyəsi ilə məşğul olur. Qeyd edək ki. 8 qrupdan 2-si rus, 6-sı isə Azərbaycan bölməsidir. Bağçada iki məktəbəhazırlıq, 3 böyük, 2 orta və 1 kiçik qrup var. Bağça 2 növbəli, 12 saatlıq iş rejimi ilə çalışır. 

Uşaqların bir-biri ilə ünsiyyət qurması, onların nəyisə qavraması, hafizəsinin formalaşdırılması üçün bağça çox vacibdir. Burada həm də uşaqlara müxtəlif şeirlər, musiqilər və rəqslər öyrədilir ki, bu da azyaşlıların gələcəkdə aktiv həyata asan adaptasiya olmasına imkan verir. Elə23 saylı uşaq baxçasında təhsil alan balaca fidanlar da bu qabiliyyətləri ilə göz oxşayırdılar. 

Hər uşağın yetişdiyi mühit, onun yetişmə tərzi müxtəlifdir. Eyni olan isə onların təhsil müəssisələrində bir araya gələrək bir çox ortaq düşüncəyə sahib olmasıdır. Məktəbəqədər təhsil müəssisələri uşaqları əqli, fiziki, psixoloji və emosional cəhətdən məktəbə hazırlayır. Bu baxımdan uşaq bağçalarının üzərinə çox böyük məsuliyyət düşür. Əminliklə deyə bilərik ki, Abşeron-Xızı Regional Təhsil İdarəsinin tabeliyində fəaliyyət göstərərn uşaq bağçaları bu vacib işin öhdəsindən uğurla gəlir.