Sumqayıtda möhtəşəm "Zəfər Günü" tədbiri keçirilib-VİDEO

Sumqayıtda 8 Noyabr - Zəfər Günü ilə bağlı möhtəşəm tədbir keçirilib.

Tədbirdə Sumqayıt Şəhər İcra Hakimiyyətinin başçısı Zakir Fərəcov, millət vəkilləri, hüquq-mühafizə orqanlarının əməkdaşları, şəhid ailələrinin üzvləri və qazilər, idarə, müəssisə və təşkilat rəhbərləri, eləcə də ictimaiyyət nümayəndələri iştirak ediblər.

Öncə hərbi orkestrin ifasında Azərbaycanın Dövlət Himni səsləndirilib, şəhidlərin xatirəsi bir dəqiqəlik sükütla yad edilib.

Qeyd olunub ki, bu gün ölkənin tarixində ən şərəfli, ən əlamətdar bir gündür. İkinci Qarabağ müharibəsində qazanılan böyük qələbə xalqın yenilməzliyinin, dövlətin qüdrətinin təntənəsinə çevrildi. Azərbaycan Prezidenti İlham Əliyevin Ali Baş Komandanlığı ilə ordu 44 gün davam edən Vətən müharibəsində tarixin möhtəşəm salnaməsini yaratdı. Vətən müharibəsi işğal altında olan torpaqların azad edilməsi ilə başa çatdı. Tarixini bu möhtəşəm qələbə ilə şərəfləndirən Azərbaycan xalqı bütün dünyaya öz gücünü, haqq uğrunda mübarizə aparmaq əzmini nümayiş etdirdi. Bu zəfərlə rəşadətli ordu Müzəffər Ali Baş Komandanın rəhbərliyi ilə Ermənistanın 30 illik işğalına son qoydu, məğlubiyyət damğasını xalqın üzərindən götürdü. Torpaqları azad etməklə həm də bütün dünyada qalib dövlət, qalib x  alq kimi tanındıq. Xalqın intizarında olduğu bu tarixi reallığın müəllifi Prezident, Müzəffər Ali Baş Komandan İlham Əliyevdir.

Qeyd olunub ki, İkinci Qarabağ müharibəsində Azərbaycan Silahlı Qüvvələrinin şəxsi heyəti öz mübarizliyi ilə qəhrəmanlıq simvoluna çevrildi. Hərbçilər döyüş meydanlarından bütün dünyaya torpaq uğrunda mübarizənin necə olduğunu göstərdilər. Hər bir vətən övladı igidliyin, cəsarətin, qorxmazlığın nümunəsini yaratdı, qəhrəmanlıq salnaməsi yazdı.

Sonra Sumqayıt şəhər İcra Hakimiyyətinin başçısı Zakir Fərəcov və tədbir iştirakçıları Şəhidlər xiyabanındakı "Qalib əsgər" abidəsinin önünə əklil qoyub, şəhidlərin məzarları üzərinə gül dəstələri düzüb, ruhlarına dualar oxuyublar.