Cənubi Koreyada 50 yaşlı kişinin özündən təxminən 30 yaş kiçik vyetnamlı qadınla evliliyi faciə ilə nəticələnib.
Hadisə barədə kişinin dostu sosial şəbəkədə danışıb. Paylaşımlarda mərhumun adı açıqlanmayıb və o, yalnız “A” baş hərfi ilə təqdim olunub.
Dostunun sözlərinə görə, A. internetdə özündən təxminən 30 yaş kiçik qadınla tanış olub. Onların arasında onlayn münasibət yaranıb. Kişi onunla evlənmək istəyib, lakin anası oğlunun əcnəbi qadınla nikahına qarşı çıxıb. Anasının ölümündən sonra A. sevgilisini Vyetnamdan Cənubi Koreyaya gətirərək onunla evlənib.
Kişinin dostunun iddiasına görə, problemlər elə evliliyin ilk günündən başlayıb. Toy gecəsi A. qadının bütün bədəninin tatu ilə örtülü olduğunu görüb. Daha sonra isə həyat yoldaşının ona zöhrəvi xəstəlik yoluxdurduğu məlum olub.
Bundan sonra cütlük arasında tez-tez mübahisələr yaşanıb. Qadın əri ilə eyni yataqda yatmaq istəməyib və Vyetnama qayıtmaq arzusunda olduğunu bildirib.
Növbəti mübahisələrdən biri əlbəyaxa dava ilə nəticələnib. A. dostuna həyat yoldaşının o yatarkən onun üzünə zərbə endirdiyini də danışıb.
İddiaya görə, gənc qadın ərini döyməyə başlayıb və onun üç dişini sındırıb. A.-nın dostu kişinin bədənində və üzündə döyülmə izlərini şəxsən gördüyünü bildirib.
Baş verənlərdən sonra kişinin depressiyaya düşdüyü bildirilir. Toydan cəmi üç ay sonra A. ürək tutmasından vəfat edib.
Kişi ölümündən əvvəl qeyd qoyub. Həmin qeyddə o, həyat yoldaşının onu ağır şəkildə döydüyünü yazıb və qadını “qorxunc qadın” adlandırıb.
A.-nın dostu hadisəni ictimailəşdirməklə kifayətlənməyərək polisə də müraciət edib. O, mərhumun qoyduğu qeydi qadına qarşı əsas sübut hesab edir.
