Abşeron – Xızı regionu üzrə təhsil işçilərinin sentyabr konfransı keçirilib-VİDEO

Sumqayıtda Abşeron – Xızı regionu üzrə təhsil işçilərinin sentyabr konfransı keçirilib.
 
Konfransda Elm və Təhsil Nazirinin müavini Firudin Qurbanov, Sumqayıt Şəhər İcra Hakimiyyətinin başçısı Zakir Fərəcov, Azərbaycan Respublikası Təhsil İnstitutunun direktor müavini, Abşeron- Xıxı Regional Təhsil İdarəsinin müdiri İlhamə Abdullayeva, aidiyyətı idarə, müəssisə rəhbərləri və təhsil işçiləri iştirak ediblər.
Tədbirdən əvvəl ümummilli lider Heydər Əliyevin abidəsi ziyarət edilib, önünə gül dəstələri düzülüb. 
 
Sonra şagirdlərin əl işlərindən ibarət sərgiyə həmçinin, STEAM və Peşə təmayüllü siniflərin təqdimatı, şagirdlərin  idman nailiyyətlərinə baxış keçirilib. 
 
Konfrans Dövlət Himninin səsləndirilməsi ilə başlayıb, şəhidlərimizin xatirəsi bir dəqiqəlik sükutla yad edilib.
 
Abşeron-Xızı Regional Təhsil İdarəsinin müdiri İlhamə Abdullayeva 2023-2024-cü tədris ilində görülən işlər haqqında hesabat məruzəsi ilə çıxış edib, region üzrə ümumi təhsilin inkişafı ilə bağlı həyata keçirilən tədbirlər və layihələrin tətbiqi vəziyyətindən danışıb.İlhamə Abdullayeva növbəti tədris ili üçün təhsil işçilərinin qarşısında duran əsas vəzifələri qeyd edib. 
 
Daha sonra Təhsil İnstitutunun direktor müavini   2023-2024-cü tədris ili ərzində Təhsil İnstitutu tərəfindən həyata keçirilən tədbirlər barədə danışıb. 
Şagird qiymətləndirilməsi, statistik göstəricilər, 4-6-cı sinif şagirdlərinin monitorinqindən çıxan nəticələr, olimpiada və digər müsabiqələrin nəticələri, növbəti tədris ili ərzində nəzərdə tutulan layihələr barədə ətraflı məlumat verib.
 
Konfransda çıxış edən Elm və Təhsil Nazirinin müavini Firudin Qurbanov təhsil üzrə prioritet istiqamətlər haqqında məlumat verib, təhsilin idarəedilməsində əlçatanlıq və şəffaflığın təmin olunması üçün qarşıda duran vəzifələr barədə qeydlərini konfrans iştirakçılarının diqqətinə çatdırıb.
 
Sumqayıt Şəhər İcra Hakimiyyətinin başçısı Zakir Fərəcov yeni tədris ili münasibətilə konfrans iştirakçılarına uğurlar arzulayıb. Sumqayıt Şəhər İcra Hakimiyyətinin başç­ısı bildirib ki, Prezident İlham Əliyev və Birinci Vit­se prezident Mehriban Əliyeva tərəfindən təhsilə böyük diq­qət və qayğı göstəri­lir. Bildirib ki, Ölkə başçısının imzaladığı “Dövlət ümumi təhsil müəs­sisələrinin rəhbər işçilərinin və həmin təhsil müəssisələrin­in təhsilverənləri­nin vəzifə maaşlarına aylıq əlavələr mü­əyyən edilməsi haqqı­nda” Sərəncam təhsil­verənlərin stimulla­şdırılması baxımından mühüm əhəmiyyət kə­sb edir.  Zakir Fərəcov bütün sahələr kimi son illər təhsildə qazanılan uğurları dövlət qayğısının nəticəsi kimi dəyərləndirib və şəhərdə təhsilin inkişafı, onun maddi-texniki bazasının möhkəmləndirilməsi istiqamətində həyata keçirilən eləcədə keçirilməsi nəzərdə tutulan işlərdən danışıb. Təhsillə əlaqəli tövsiyyələrini verib. Qazanılan uğurlara görə pedaqoji kollektivləri təbrik edərək, onlara yeni dərs ilində uğurlar arzulayıb.