Bu gün şəxsiyyət kimi formalaşdığımız, savadlı kadr kimi yetişdiyimiz, ən əsası isə vicdanlı insan olduğumuz üçün öz müəllimlərimizə borcluyuq. Çünki bizə ilk qələm tutmağı, dövləti və vətəni sevməyi bu şərəfli peşənin sahibləri öyrədib. Öz peşə bayramlarını qeyd edən müəllimlərin ən yüksək ada layiq olduqları haqda zaman-zaman siyasi və ictimai xadimlər, elm adamları müxtəlif fikirlər səsləndiriblər. Müəllimlər Günündə bütün respublikada olduğu kimi Sumqayıt şəhərində də bir sıra tədbirlər, maraqlı layihələr keçirilir. Belə tədbirlərdən biri də, Sumqayıt şəhər Heydər Əliyev Mərkəzində baş tutub.
"Səsdən Könüllərə" layihəsinin rəhbəri Əsmər Kərimova və Gənclərin İnkişaf və Karyera Mərkəzinin birgə təşkilatçılığı ilə keçirilən tədbirdə müəllimlər və şagirdlər, şəhid ailələri və qazilər, təhsil sektorunun nümayəndələri iştirak ediblər. 5 oktyabr beynəlxalq müəllimlər günü ilə əlaqədar "Ömrü aydınladan çıraqlar" adlı tədbirdə öncə dövlət himni səsləndirilib və vətən uğrunda canından keçən şəhidlərin əziz xatirəsi bir dəqiqəlik sükutla yad edilib. Tədbirdə çıxış edən "Səsdən Könüllərə" layihəsinin rəhbəri Əsmər Kərimova qonaqları salamlayıb və layihə haqqında məlumat verib. Bildirib ki, ən şərəfli peşələrdən olan müəllimlik həm də çox ciddi məsuliyyət tələb edir. Çünki azyaşlı uşaqlarla və yeniyetmələrlə işləmək, onları şəxsiyyət kimi formalaşdırmaq, savadlı kadr kimi yetişdirmək xüsusi bacarıq, səbr və qabiliyyət tələb edir. Əsmər Kərimova bütün müəllimləri təbrik edərək bu şərəfli və məsuliyyətli işdə onlara uğurlar arzulayıb.
Daha sonra tədbirdə layihə üzrə müəllimlər, psixoloqlar, loqopedlər çıxış edərək müəllim peşəsinin çətinliklərindən siz açıblar. Həmçinin gənc müəllimlərə öz məsləhət və tövsiyələrini veriblər.
Tədbirdə şəhid Səbuhi Həsənquliyevin anası Mayisa Həsənquliyevin və digər şəhid anaları söz alaraq dəvətə görə təşəkkür ediblər və müəllimləri təbrik edərək, onlara ən xoş arzularını çatdırıblar. Ümumiylətlə, gənclərin çıxışları və tədbir haqqında öz fikirlərini bildirmələri maraqla qarsilanib.
Biri-birindən rəngarəng spiker çıxışları və musiqli qonaq Zülfü Əsədzadənin ifa etdiyi mahnılar auditoriyanın zövqünü oxşayıb.
Sonda şəhid anaları səhnəyə dəvət ediib, ürək sözləri dinlənilib və xatirə şəkli çəkdirilib.
Sumqayıtda Müəllimlər Günü ilə bağlı "Ömrü aydınladan çıraqlar" adlı tədbir keçirilib – VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
