Abşeron rayonun Digah qəsəbəsində gölə axıdılar çirkab və kanalizasiya suları ciddi problemə yol açıb.
"Den.az" xəbər verir ki, Digah qəsəbəsinin Bakıxanov küçəsində çirkab sular evlərə dolub.
Sakinlərin sözlərinə görə, qəsəbə ərazisində kanalizasiya xəttləri normal işləmədiyindən, Yağış və çirkab sular yaxınlıqda olan gölə axıdılır. Bu da nəticədə daşmaya və evlərin həyətlərinə dolmağa məruz qalır. Dəfələrlə Abşeron Su bağlar idarəsinə məlumat verilsədə, lakin əraziyə gələn olmayıb. Yalnız yerli bələdiyyə tərəfindən yollara və subasmaya məruz qalan evlərin həyətlərinə köməklik edilib.
Mövcud məsələ ilə bağlı Digah qəsəbə bələdiyyəsindən bildirilib ki, sözü gedən problemdən məlumatlıyıq. Yağan yağış nəticəsində gölün səviyyəsi qalxıb və bu cür xoşagəlməz vəziyyət yaranıb. Buna baxmayaraq əraziyə əməkdaşlar cəlb olunub, əksər sakinlərin həyətyanı sahələrinə dolan su nasoslar vasitəsilə çəkilib. Bununla yanaşı məhəlləyə də kərpic parçaları tökülüb. Qeyd olunub ki, yenidən əraziyə briqada cəlb olunacaq və lazımi tədbirlər görüləcək. Məsələnin birdəfəlik həllinə gəlincə isə bildirilib ki, asfalt örtüyünün çəkilməsi üçün müracətlər olunub. Mərhələli şəkildə sözü gedən məhəllə də asfaltlanacaq. Sakinlərdən isə təmizliyə riayət etmələri, tullantıları əraziyə deyil, nəzərdə tutulan tullantı qutularına atmaları xahiş olunur.
Den.az
