Prezident Tramp 20 yaşlı Sara Bekstromun aldığı xəsarətlərdən öldüyünü bildirib.
İkinci yaralı Milli Qvardiya əməkdaşı — 24 yaşlı Endryu Vulf — hələ də kritik vəziyyətdədir, bunu rəsmilər cümə axşamı səhər təsdiqləyiblər.
Atəş açılması hadisəsi çərşənbə günü, Vaşinqtonun mərkəzində, yerli vaxtla saat 14:00-da baş verib. Hücum çox yaxın məsafədən həyata keçirilib. Polis şübhəlilərdən birini — 29 yaşlı, Əfqanıstan əsilli Rahmanulla Lakanvalı — hadisə yerində həbs edib.
Prezident Tramp Saranın ölümünü Şükran Günü münasibətilə hərbçilərə müraciəti zamanı təsdiqləyib:
“Qərbi Virciniyadan Sara Bekstrom — haqqında danışdığımız qvardiyaçılardan biri, hörmətli, gənc, möhtəşəm qadın idi. O, 2023-cü ilin iyununda xidmətə başlamışdı və hər cəhətdən nümunəvi insan idi. O indi dünyasını dəyişdi. Artıq aramızda deyil.”
ABŞ Baş prokuroru Pəm Bоndi Fox News-a bildirib ki:
“20 yaşlı Sara Bekstrom Şükran Günündə könüllü olaraq xidmətə çıxmışdı.”
O, Endryu Vulfla birlikdə günorta saatlarında çoxsaylı ofis işçilərinin toplandığı mərkəzi ərazidə patrul xidməti aparırdı.
Hadisə yerinin Ağ Evdən cəmi bir neçə kvartal aralı olması səbəbilə, hüquq-mühafizə orqanları dərhal əraziyə cəlb edilərək yaralılara yardım göstərib və hücumçunu zərərsizləşdirərək həbs edib.
