"Təhsil Millətin gələcəyidir". Müasir Azərbaycanın qurucusu, Ulu Öndər Heydər Əliyev öz millətinin gələcəyini düşündüyü üçün hər zaman təhsilə böyük önəm verib. Bu siyasət , Ulu Öndərin layiqli davamçısı, ölkə prezidenti İlham Əliyev tərəfindən də uğurla davam etdirilir. Bu gün Azərbaycanın orta ümumtəhsil müəssisələrində əsl vətənpərvər şəxsiyyətlər, cəmiyyət üçün savadlı kadrlar yetişir. Bu missiyanı uğurla davam etdirən təhsil müəssisələrindən biri də Abşeron-Xızı Regional Təhsil İdarəsinin tabeliyində olan, Xırdalan şəhərində yerləşən, Misir-Ərəb təmayüllü 9 nömrəli tam orta məktəbidir.
Sözügedən məktəbdə sözün əsl mənasında gələcəyin elmli, savadlı və ən əsası vətənpərvər gənclərinin yetişdirildiyini görmək olur. Çünki təhsil müəssisəsində şagirdlərə yüksək səviyyədə elmi bilikləri aşılamaqla yanaşı, həm də vətən uğrunda canını fəda edən şəhidlərimiz, milli qəhrəmanlarımız, dövlət və ictimai-siyasi xadimlərimiz da tanıdılır. Onların fotolarının məktəbin foyesində əks olunması bunun bariz nümunəsi sayıla bilər. Məktəbdə dərslər isə yüksək peşəkar pedaqoqlar tərəfindən interaktiv üsulla keçirilir. Elə bunun nəticəsidir ki, 9 nömrəli tam orta məktəb öz uğurları ilə Abşeronun digər təhsil müəssisələri arasında xüsusilə seçilir.
Direktor Şahin Yusifov məktəbdə "Yaşıl Dünya Naminə Həmrəylik İli", 8 noyabr "Zəfər Günü" və digər əlamətdar hadisələrlə bağlı tədbirlər keçirildiyini, şagirdlərlə məşğələlər aparıldığını vurğulayıb. Qeyd edib ki, son bir neçə ay ərzində məktəbdə cari təmir işləri həyata keçirilib, maddi-texniki baza gücləndirilib. Bütün bunlar dövlət tərəfindən təhsilə göstərilən diqqət və qayğının bariz nümunəsi kimi dəyərləndirilə bilər.
Bu məktəb öz uğurları ilə Abşeronda xüsusilə fərqlənir - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
