Mən hələdə onun yolunu gözləyirəm: Şəhid Gizir Ramil Rəhimovun xatirəsi anıldı…-VİDEO

2023-cü ildə Antiterror əməliyyatları zamanı qəhrəmancasına şəhid olan gizir Ramil Rəhimovun xatirəsi, Ceyranbatan qəsəbə 1 nömrəli tam orta məktəbin təşkilatçılığı ilə anılıb. Tədbir şəhidlərimizin əziz xatirəsinin yaşadılmasına və gələcək nəsillərə ötürülməsinə yönəlib.
Ceyranbatan qəsəbə Mədəniyyət evində baş tutan tədbirə şəhidin doğmaları, rayon icra hakimiyyətinin əməkdaşları, şəhid anaları və qazilər, eləcə də məktəbin pedaqoji kollektivi qatılıb.
Məktəbin direktoru Nuranə Vəliyeva tədbirin əhəmiyyəti və şəhidlərin qəhrəmanlıq tarixindən bəhs edən çıxış edib. Qeyd edib ki, 44 günlük Vətən müharibəsi, Azərbaycanın torpaqlarını işğaldan azad etmək üçün göstərdiyi qəhrəmanlıq dolu bir mübarizənin simvoludur. Bu müharibə, Azərbaycanın ərazi bütövlüyünü bərpa etməsi və milli birlik ruhunun gücünü göstərdi. Azərbaycanın şanlı zəfəri, şəhidlərin və qazilərin cəsarəti ilə tarixdə əbədi iz qoydu.
Daha sonra Abşeron rayon icra hakimiyyətinin əməkdaşları, şəhid anaları və qazilər söz alıb və öz duyğularını bölüşüblər. Onların çıxışlarında, şəhidlərin xatirəsinin unudulmamasının vacibliyini bir daha vurğulanıb.
Şəhidlərə həsr olunan kitabın müəllifi Esmira Günəş isə bildirib ki, 44 günlük Vətən müharibəsi, Azərbaycanın öz torpaqlarını işğaldan azad etmək üçün göstərdiyi böyük iradə və əzmin təcəssümüdür. Bu müharibə, milli birlik və vətənpərvərlik ruhunun güclü bir ifadəsi olaraq, Azərbaycanın qələbə ilə nəticələndiyi tarixi bir dönəmdir.
Sonda tədbirin iştirakçıları, məktəbin şagirdlərinin ifasında vətənpərvərlik mövzusunda şeirləri dinləyib, mahnıları izləyiblər. Bu çıxışlar, tədbirin əsas məqsədini – vətən sevgisinin və qəhrəmanlıq ruhunun gələcək nəsillərə ötürülməsini bir daha təsdiqlədi.
Belə tədbirlər, Azərbaycanın qəhrəman övladlarının xatirəsini yaşatmaq və gələcək nəsillərə vətənpərvərlik ruhunu aşılamada mühüm rol oynayır.