Qəhrəmanlıq xalqımızın qanına hopmuş ali bir hisdir. Zaman-zaman igid oğullarımız döyüş meydanlarında əsl qəhrəmanlıqlar göstərərək xalqımızı düçar olduğu bəlalardan xilas edib, torpaqlarımızı yadelli qəsbkarların basqınlarından, hücumlarından qətiyyətlə qoruyaraq, tükənməz sərvətlərimizin, nemətlərimizin talanmasına, yurd-yuvalarımızın dağıdılmasına, ana-bacılarımızın, qadın və uşaqlarımızın əsir, girov aparılmasına imkan verməyiblər. Bu gün həmin igidlərimizdən ağız dolusu danışa bilərik. Çünki, 44 günlük savaş və qələbəmiz bunun əyanı sübutudur.
Den.az xəbər verir ki, bu sözlər Sumqayıt şəhər Tarix Muzeyində 44 Günlük Vətən müharibəsi şəhidi Fərhad Fərhadlının doğum gününə həsr edilən tədbirdə səsləndirilib.
Tədbirdə şəhidin ailə üzvləri, dostları, iş və döyüş yoldaşları, şəhid valideynləri, həmçinin şəhər ictimayəti yaxından iştirak edib.
Fərhad Fərhadlının həyat və yaradıcılığından , eləcədə qəhrəmanlığın ətraflı bəhs edilib. Məlumat verilib ki, Fərhad Fərhadlı 8 dekabr 1993-cü ildə Sumqayıt şəhərində anadan olub. O, 12 nömrəli orta məktəbdə təhsil alıb. 2015-ci ildə Azərbaycan Dövlət Neft və Sənaye Universitetini bitirdikdən sonra – 2016-cı ildə hərbi xidmətə yollanıb. Aprel doyüşləri zamanı hərbi xidmətdə olub. İş həyatına “Gilan Holdinq”də başlayıb, sonra isə “Kapital Bank”da davam edib.
2020-ci il sentyabrın 27-də başlanan Vətən müharibəsi zamanı Fərhad bir an belə tərəddüd etmədən ordu sıralarına qayıdıb, Vətən torpaqlarının azadlığı uğrunda döyüşlərə qatılıb. Oktyabrın 20-si Füzuli rayonunun Gecəgözlü kəndi istiqamətində düşmən üzərinə hücuma keçərkən 3 yaralını xilas edib, 4-cünü çıxararkən vurularaq şəhid olub.
Ölümündən sonra “Vətən uğrunda”, “Füzulinin azad olunmasına görə” və “Xocavəndin azad olunmasına görə” medalları ilə təltif edilib.
Qeyd edək ki, “Kapital Bank”ın 3-cü mikrorayonda fəaliyyət göstərən filialı şəhid Fərhad Fərhadlının adın daşıyır. Bəli Şəhid – yüksək amal, əqidə və ya inanc uğrunda canını fəda edən adam deməkdir. Şəhid olmağı özünə şərəf bilən hər kəsin daxilində yüksək vətənpərvərlik, cəsurluq, müsbət əxlaq, əqidə vardır. Vətən Müharibəsinin şəhidi Fərhad Fərhadlıda bu xüsusiyyətləri özündə cəmləndirmişdi.
Şəhidlər ölməz , unudulmaz! Ömrün ən böyük qazancı ömürdən sonrakı həyatın qazanılmasıdır. İllər keçsə də gələcək nəsillər onları hər zaman böyük minnətdarlıq duyğusu ilə yad edəcəklər. şəhidlərimizin davamçıları varsa, xatirələri hər yerdə anılırsa, deməli onlar ölməyiblər, ürəklərdə , qəlblərdə daim yaşayırlar. Hər birimizin vətəndaşlıq borcudur ki, şəhidlikləri ilə bizə qələbə, zəfər sevinci yaşadan bu qəhrəmanlarımızı daim qəlbimizdə yaşadaq.
Sumqayıtda şəhid Fərhad Fərhadlının mövludunda duyğulu anlar yaşanıb-FOTO/VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
