Bu gün ölkənin bütün təhsil ocaqlarında 11-cilər məktəbə vida edərək müstəqil həyata qədəm qoyurlar. Bu münasibətlə bütün məktəblərdə son zəng tədbirləri keçirilir.
Den.az xəbər verir ki, belə möhtəşəm tədbirlərdən biri də Abşeron Rayon Məmmədli kənd tam orta məktəbində baş tutub. Adıçəkilən məktəbin 11c sinfinin müəllim və şagird kollektivi son zəngi qeyd etmək üçün bir araya gəlib. Tədbirdə məktəbin rəhbərliyi, müəllim və şagird kollektivi, Abşeron-Xızı Regional Təhsil İdarəsinin nümayəndələri, Məmmədli kəndinin idarə və müəssisə rəhbərləri, şəhid ailələri və qazilər iştirak ediblər.
Öncə Azərbaycanda noyabr ayında keçirilməsi planlaşdırılan COP 29 beynəlxalq tədbiri ilə bağlı məktəbin şagirdləri tərəfindən flaşmob keçirilib.
Daha sonra son zəng tədbirinin rəsmi hissəsi dövlət himninin səsləndirilməsi ilə başlayıb.
Tədbirdə çıxış edən məktəbin direktoru Könül Hüseynova bu il təhsil müəssisəsinə əlvida deyən 11-cilərə uğurlar arzulayıb. Onlara arzuladıqları ali məktəblərə qəbul olmağı, layiqli vətəndaş kimi formalaşmağı və ölkəmizi daim beynəlxalq arenalarda uğurla təmsil etməyi diləyib.
Ardınca tədbirdə çıxış edən direktor müavini Aynurə Abbasova bildirib ki, son zəng 11 il məktəbə ayaq basan, doğma müəllimlərin əhatəsində təlim-tərbiyəyə və elmi biliklərə yiyələnən hər bir şagird üçün unudulmaz izlər qoyur.
Tədbirdə söz alan Abşeron-Xızı Regional Təhsil İdarəsinin nümayəndələri, eləcə də digər qonaqlar 11-cilərə gələcək həyat və fəaliyyətində uğurlar diləyiblər. Çıxış edənlər məzunlara müstəqil Azərbaycanın layiqli vətəndaşları olmağı, bilik və zəhmətləri sayəsində nailiyyətlərini daha da artırmağı arzulayıblar. Eyni zamanda, məzunlara ölkəmizin gələcək inkişafı naminə həyata keçiriləcək proseslərdə fəal iştirak etmələri, onlara olan etimadı doğrultmaq üçün hər zaman fəallıq və əzmkarlıq göstərmələri tövsiyə olunub.
Tədbirdə məktəb məzunlarının iştirakı ilə mahnı, şeir və rəqslərdən ibarət kompozisiyalar və maraqlı proqramlar nümayiş etdirilib.
Məmmədli məktəbində məzun günü duyğulu anlar yaşanıb-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
