Xırdalandakı 9 nömrəli məktəbdən Prezidentin dogum günü ilə bağlı möhtəşəm layihə - VİDEO

Ulu Öndər, müasir Azərbaycanın qurucusu Heydər Əliyev deyirdi ki, "Təhsil hər bir dövlətin, ölkənin, cəmiyyətin həyatının, fəaliyyətinin mühüm bir sahəsidir. Cəmiyyət təhsilsiz inkişaf edə bilməz". Heydər Əliyev məktəbinin layiqli davamçısı, Prezident İlham Əliyev isə dəfələrlə öz çıxışlarında vurğulayıb ki,  “Azərbaycanda təhsil siteminin təkmilləşdirilməsinə  cox böyük diqqət göstərilir. Təhsil bizim gələcəyinizdir!”. Azərbaycanda elm və təhsil sahəsinə nə qədər böyük diqqət və qayğı ilə yanaşıldığını görmək üçün sadəcə bu fikirlərə diqqət yetirmək kifayətdir. Ölkə rəhbərinin təhsilə xüsusi qayğı ilə yanaşmasının nəticəsidir ki, bu gün Respublikanın bütün orta ümumtəhsil məktəbləri gələcəyin əsl ziyalısını və vətənpərvər şəxsiyyətini formalaşdırır. Bu diqqət və qayğıdan pay alaraq təhsil sahəsində çox böyük uğurlar qazanan müəssisələrdən biri də Xırdalan şəhərində yerləşən Misir-Ərəb Təmayüllü 9 nömrəli tam orta məktəbidir. 

Ümummilli Lİder Heydər Əliyev deyirdi ki, “Hamımızın ümumi vəzifəmiz xalqımızda vətənpərvərlik, vətən torpağına, millətə sədaqət, vətən uğrunda şəhidliyə hazır olmaq hisslərini formalaşdırmaq, inkişaf etdirmək və təbliğ etməkdir”. Təbii ki, Hər bir insanın şəxsiyyət kimi formalaşması məhz məktəbdə başlayır. Elə 9 nömrəli tam orta məktəbin bütün pedaqoji kollektivi də qarşıya məhz gələcəyin əsl vətənpərvər şəxsiyyətini formalaşdırmağı qoyub. 

Təhsil müəssisəsinin pedaqoji kollektivi və şagirdləri tərəfindən Ali Baş Komandan, Prezident İham Əliyevin doğum günü münasibətilə hazırladıqları möhtəşəm layihə isə özündə həm bilik yarışını, həm də vətənpərvər ruhda nümayiş olunan bir çox elementləri ehtiva edib.