Bu gün çox sevindirici haldır ki, Ümummilli Liderimizin ideyaları yaşayır, onun siyasi kursu Prezident İlham Əliyev tərəfindən uğurla davam etdirilir. Müstəqil Azərbaycan günbəgün tərəqqi edir, dünyanın ən qüdrətli dövlətlərindən birinə çevrilir. Müstəqillik, həqiqətən də, xalqımızın böyük tarixi nailiyyətidir. Bizim isə əsas vəzifəmiz bu müstəqilliyi qoruyub saxlamaq və onu daha da möhkəmləndirməkdir.
Bunu Den.az-a müsahibəsində Abşeron-Xızı Regional Təhsil İdarəsinin tabeliyində olan Xırdalan şəhər 7 nömrəli tam orta məktəbin direktoru Yeganə Paşayeva deyib.
Bildirilib ki, bu gün ölkə başçısı cənab İlham Əliyev və Birinci vitse-prezident Mehriban xanım Əliyeva tərəfindən təhsil alanlara və təhsil verənlərə xususi diqqət var. Respublikamızda uşaqların rahat və təhlükəsiz şəkildə təhsil almaları üçün hər cür şərait yaradılıb.
