Unudulmaz günlərdən biri, qayğısız uşaqlıq çağı ilə son görüş, doğma bağça ilə vida günüdür.
"Den.az" xəbər verir ki, Abşeron-Xızı Regional Təhsil İdarəsinin tabeliyində fəaliyyət göstərən Novxanı kənd 28 nömrəli körpələr evi-uşaq bağçasında keçirilən tədbir məhz bu günə həsr edilib.
"Əlvida bağça, salam məktəb" adlı tədbirdə balaca fidanlar müəllimə, ana dilimizə, sülhə həsr edilən şeirlər söylədilər. Müxtəlif səhnələşdirilən nömrələr, rəqs və mahnılar tədbir iştirakçıları tərəfindən maraqla qarşılanıb.
Çıxış edən bağçanın müdiri Səfa İbrahimova əvvəlcə tədbir iştirakçılarını salamlayıb.Uşaqları məktəbə getmələri münasibətilə təbrik edib, onlara gələcək həyatlarında müvəffəqiyyətlər arzulayıb.
Təbriklərə valideynlər də qoşularaq bu illər ərzində övladlarına ana qayğısı ilə yanaşan tərbiyəçi-müəllimlərə xoş arzularını ifadə ediblər.
Tədbirdə 2023-2024-cü tədris ilində təlimdə qazandığı uğurlara və qrup tədbirlərində göstərdiyi fəallığa görə uşaqlar tərifnamələrlə təltif olunub.
Sonda uşaqlara fotolarından ibarət məzun albomu təqdim olunub.
Şahnaz Əliyeva
Den.az
Novxanı bağçasında "Əlvida bağça, salam məktəb" adlı tədbir keçirilib-FOTOLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
