Abşeronda “Uşaqlara və qadınlara qarşı zorakılığa son” adlı tədbir keçirilib-VİDEO

Abşeron-Xızı Reginal Təhsil İdarəsinin tabeliyində fəaliyyət göstərən Mehdiabad qəsəbə 3 nömrəli tam orta məktəbin təşkilatçılığı ilə “Uşaqlara və qadınlara qarşı zorakılığa son” adlı tədbir keçirilib. Tədbirdə Abşeron rayon İcra Hakimiyyəti başçısının müavini Gülnar Rəhimova, Mehdiabad qəsəbə 3 və 5 nömrəli tam orta məktəbin pedeqoji kollektivi, şəhid anaları , eləcədə şagirdlər iştirak ediblər. Tədbirin keçirilməsində məqsəd uşaqlara və qadınlara qarşı olan şiddətin pis tərəflərini göstərərək onları bunlardan uzaqlaşdırmaqdır. 
 
Əvvəlcə zorakalığa uğramış qadınlar haqqında məlumat verilib, səhnəciklər nümayiş etdirilib. Bildirilib ki, məişət zorakılığına məruz qalanların əksəriyyətinin qadınlar olduğunu qəbul etmək vacib olsa da, bu qadınların çoxunun uşaq sahibi olduğunu qəbul etmək eyni dərəcədə vacibdir. Bəzi hallarda zorakılıq həm qadınlara, həm də uşaqlara qarşı yönəlir. Digər hallarda uşaqlar özləri zorakılıq hədəfi olmur, amma analarına qarşı zorakılığın şahidi olurlar. Hər iki halda onlar əziyyət çəkirlər və hər iki halda onlar qorunmalıdırlar. Məsələn, bununla bağlı maarifləndirmə kampaniyaları aparmaq və ya belə kampaniyaları təşviq etmək olduqca vacibdir. 
 
Təbbirdə Abşeron rayon İcra Hakimiyyəti başçısının müavini Gülnar Rəhimova çıxış edərək əsası Ulu Öndər Heydər Əliyev tərəfindən qoyulan dövlət-qadın siyasətinin Azərbaycan Respublikasının Prezident cənab İlham Əliyev tərəfindən uğurla həyata keçirildiyini qeyd edib,  məişət zorakılığının qarşısının alınması haqqında milli və beyməlxalq qanunvericilik və onun işləmə mexanizmi barədə məlumat verib. Gülnar Rəhimova RİH yanında  yaradılmış   Məişət zorakılığının qarşısının alınması sahəsində monitorinq və əlaqələndirmə qruplarının fəaliyyətindən söz açıb. O, məişət zorakılığı ilə mübarizə çərçivəsində risk qrupuna daxil olan ailələrin aşkar edilməsi, onlarla profilaktiki iş aparılması və zorakılıq qurbanlarına zəruri psixoloji və hüquqi dəstəyin göstərilməsi məqsədilə 2023 cü ildən etibarən Abşeron rayonu üzrə 15 bələdiyyənin nəzdində “Gender bərabərliyi komissiyaları”nın fəaliyyət göstərdiyini və baş vermiş halların operativ araşdırılması məqsədi ilə bələdiyyələrin inzibati binalarında müraciət qutularının mövcudluğunu vurğulayıb. 
 
RİH başçısının müavini Gülnar Rəhimova 23 fevral 2024-cü ildə "Məişət zorakılığının qarşısının alınması haqqında"  qanununda dəyişiklik edilməsi,  o cümlədən qanunun icrasında rayon icra hakimiyyətlərinin qarşısında qoyulmuş vəzifələr və bununla bağlı rayonda görülmüş işlər barədə ətraflı məlumat verib.
 
Tədbirdə digər çıxış edənlər bildiriblər  ki, uşaqların həm fiziki, həm də psixi inkişafına nail olmaq müasir dövrün ən qlobal çağırışlarındandır. Uşaqlar cəmiyyətin, ailənin güzgüsüdür. Onlara öyrədilən davranış üsulları, təlim-tərbiyə metodları uşaqların inkişafına, hərəkətlərinə, düşüncələrinə təsir göstərir, şəxsiyyət kimi formalaşmalarını təmin edir. Bəzi hallarda uşaqlara düzgün münasibət göstərilmir və bu, bir çox fəsadlara gətirib çıxarır. Uşaqlara qarşı tətbiq edilən zorakılıq hərəkətləri onların normal inkişafına mane olur. Buda dövrümüzdə daha çox rast gəlinən məişət zorakılığıdır. Lakın heç bir səbəb şiddətin göstərilməsinə, uşaqların və qadınların hüquqlarına əngəl olmasına əsas gətirmir. Ümumiyyətlə, qadın və uşaq hüquqlarını pozan bütün hallar zorakılıq kimi qiymətləndirilir.