Avqustun 11-də Bakıda və Abşeron yarımadasında hava dəyişkən buludlu və əsasən yağmursuz keçəcək. Lakin gündüz saatlarında bəzi ərazilərdə yağış yağacağı gözlənilir.
Milli Hidrometeorologiya Xidmətinin məlumatına görə, paytaxtda mülayim şimal-qərb küləyi əsəcək. Havanın temperaturu gecə 22–25 dərəcə, gündüz isə 28–33 dərəcə isti olacaq. Atmosfer təzyiqi 757 mm civə sütunu, nisbi rütubət gecə 70–75 faiz, gündüz isə 40–45 faiz təşkil edəcək.
Rayonlarda isə şimal və qərb bölgələrindən başlayaraq bəzi yerlərdə arabir yağış yağacağı, ayrı-ayrı ərazilərdə leysan, şimşək və dolu müşahidə olunacağı proqnozlaşdırılır. Yağıntıların əsasən dağlıq və dağətəyi rayonlarda daha intensiv olacağı ehtimal edilir.
Gecə və səhər bəzi dağlıq ərazilərdə duman olacaq. Temperatur rayonlarda gecə 22–26 dərəcə, gündüz 32–36 dərəcə, dağlarda isə gecə 14–19 dərəcə, gündüz 21–26 dərəcə isti olacaq.
