Novxanı kənd 28 saylı körpələr evi-uşaq bağçası uşaqlara göstərilən diqqət və qayğının bariz nümunəsidir-FOTOLAR

Uşaqlar ailənin, xalqın, dövlətin ən qiymətli sərvətidir.Onlar bizim sevincimiz, xoşbəxtliyimiz, cəmiyyətin gələciyidir.Uşaqlar xəyalların, arzuların ümid tumurcuğu, ailə qalasının misilsiz sevinc qaynağı, millətin övladı və ilahi əmanətidir. Bu qiymətli sərvəti sağlam, cəmiyyətə faydalı vətəndaş kimi yetişdirmək hər birimizin borcudur.

Bu gün uşaqların sağlam, gələcəyə layiqli vətəndaşlar kimi böyüməsində uşaq bağçalarının rolu əvəzedilməzdir.

"Den.az" xəbər verir ki, Abşeron-Xızı Regional Təhsil İdarəsinin tabeliyində olan Novxanı kənd 28 nömrəli körpələr evi-uşaq bağçası da uşaqlara göstərilən diqqət və qayğının bariz nümunəsidir.Burada uşaqların düzgün və hərtərəfli inkişafı üçün hər cür şərait yaradılıb.

Uşaqlar üçün keçirilən tamaşa və əyləncələr uşaqların dünyagörüşünü formalaşdırır, onlarda şən və gözəl əhval-ruhiyyə yaradır.

Uşaqlar gülərsə dünya gülər, uşaqlar sevinərsə cahan sevinər.Hər zaman üzünüz gülsün, əziz balalar !

Şahnaz Əliyeva
Den.az